ACTIVIDADES REALIZADAS NO CICLO FORMATIVO DE ATENCIÓN A PERSOAS EN SITUACIÓN DE DEPENDENCIA

O Departamento de Servizos Socioculturais e á Comunidade vén de realizar recentemente novas actividades complementarias á formación: o pasado 23 de outubro o alumnado de primeiro curso do Ciclo formativo de Atención a Persoas en Situación de Dependencia (modalidade ordinaria e Dual) visitou as instalacións da Residencia de Persoas Maiores de Ribadeo ademais de asistir a unha charla sobre o funcionamento dos Servizos Sociais do Concello. Así mesmo, o día 13 de novembro os mesmos grupos de alumnado realizaron unha actividade fóra do centro educativo centrada na detección de barreiras arquitectónicas na contorna urbana.

CELEBRACIÓN DO MAGOSTO E O SAMAÍN NO CIFP PORTA DA AUGA

O pasado 30 de outubro toda a comunidade educativa do CIFP Porta da Auga viviu unha xornada distinta con motivo da celebración do Samaín e o Magosto. 

Degustáronse castañas recén asadas e ademais todas e todos desfrutamos de xogos organizados polo alumnado do Ciclo Formativo de Educación Infantil. Así mesmo, algunhas e algúns participantes mostraron a súa creatividade cos seus vestidos e disfraces baseados na temática do Samaín. 

Para rematar a xornada preparáronse uns pinchos que sentaron base para establecer vínculos e xerar un ambiente de boa convivencia no no noso centro. Moitas grazas a todas as persoas participantes, destacando especialmente o grande labor e esforzo dos/as compoñentes da Comisión de Convivencia do Centro!

ACTIVIDADES COMPLEMENTARIAS Á FORMACIÓN DO NOSO DEPARTAMENTO

Dende o noso Departamento comezamos o curso con bo pé e camiñando cara á participación social... Isto demóstrano as actividades que levamos realizado dende o comezo deste curso: 

• Participación na Celebración do Día Mundial do Alzheimer (en colaboración co Centro de Día "A Concordia", Ribadeo).
• Organización da acción de sensibilización "Signos de Diversidade" e realización de obradoiros de Lingua de Signos na Biblioteca do Porta da Auga, por parte do noso alumnado do Ciclo Formativo de Atención a Persoas en Situación de Dependencia, con motivo das conmemoracións do Día Internacional das Persoas Xordas e do Día Internacional das Linguas de Signos.
• Participación e colaboración na celebración do Día das Persoas Maiores (en colaboración co Centro de Día e a Residencia de Persoas Maiores de Ribadeo).

Seguimos camiñando...

Benvidos e benvidas a este novo curso 2019/2020! Dende o Departamento de Servizos á Comunidade  do CIFP Porta da Auga arrancamos con gañas, ilusión e forza! Para comezar esta nova etapa con bo pé, facemos lembranza dalgunhas das actividades que realizamos o curso pasado... Bo comezo!

"EU SON ELVIRA": UN RELATO SOBRE O BO TRATO ÁS PERSOAS MAIORES

EU SON ELVIRA

Podedes descargalo en format pdf na ligazón da Libraria Institucional da Xunta de Galicia.

PARTICIPACIÓN NO CORRELINGUA

O pasado xoves día 5 de maio o alumnado do 1º curso do CS de Educación Infantil achegouse a Burela para colaborar no Correlingua, onde realizaron diversas actividades dirixidas ós nenos e nenas dos centros educativos da zona da Mariña que participaron este ano.

VISITA ÁS ESCOLAS INFANTÍS DE BURELA, FOZ E MONDOÑEDO

O alumnado de 1º do CS de Educación Infantil visitou as escolas infantís de Burela, Foz e Mondoñedo, onde aproveitaron para contar contos dramatizados ós nenos e nenas.